تصدق حيل انا تعبان
. . . . . . , ولكن ( ماابينلك ) !
ابيك تحس من كيفك . انا مابي المحلك ,

ترا المفروض تتكلم ؟!
,/ عن اللي فيني تسألني . .
اذا انت انسان ماتفهم , شسوي فيك علمني ؟!

بديت اخاف انا منك ,
احس انك سهل تنسى !
شقول اكثر بعد عنك / وانت من الصخر ( اقسى ) !

انا غصب علي عايش
. . . . , غصب متحمل طعونك
يجيني سهمك الطايش و اضمه لـ خاطر عيونك !

[ الجرح ] يكبرمعي والناس مشغوله
واللي ابيهم مشو واحد ورا الثاني
الليله يا طولها والليل يا طوله
واللي ورايه احس انه تعداني
الوقت لا من تغير هذي فعوله
اما لعب لعبته ولا تحداني
أبواب مقفله [ و ] دروب مجهوله
وإذا تبي كل حاجه لازم تعاني
كلام بقوله لكن مقدر اقوله
اشياء في خاطري توقف على لساني
غلطه ومن صاحبي واقول مقبوله
مره علشانه ومره علشاني
تكفون وانتم اليا جيتوه قولو له
اني اعزه كثر معزة أخواني
معقوله ينساني لا ما هي معقوله
حتى الشعر وقتها ما راح ينساني
مرات احس اني حاكم تنقصه دوله
ومرات مدري من اللي ينقص الثاني